Partia Demokratike ka njoftuar përmes një shkrese zyrtare Kryekomisionerin Shtetëror të Zgjedhjeve, Ilirjan Celibashi, se Lulzim Basha është dorëhequr.
Kjo shkresë vjen pasi Celibashi deklaroi se në bazë të dokumentacioneve që i janë paraqitur, të drejtën për regjistrimin e Partisë Demokratike në zgjedhjet e 14 majit, e ka Lulzim Basha.
Tashmë, PD ka vënë në dispozicion një shkresë ku informohet se dokumentacioni për dorëheqjen e Bashës është paraqitur i plotë.
Afati për regjistrimin e PD në zgjedhjet e 14 majit, në KQZ skadon sot, pas afatit 48-orësh që u la nga kryekomisioneri Celibashi për dorëzimin nga ana e PD zyrtare të deklaratës solemne të parashikuar në Kodin Zgjedhor për tu regjistruar në zgjedhje, me firmën e Bashës.
m.b./dita
