Ministri i Mbrojtjes, Niko Peleshi, e ka konsideruar thelbësor angazhimin dhe përkushtimin e efektivëve shqiptarë në 8 misione ndërkombëtare për sigurimin e paqes dhe stabilitetit rajonal.
Peleshi tha nëpërmjet një postimi në rrjetet sociale, se Shqipëria është eksportuese e paqes dhe aleate dinjitoze në NATO. Ai shtoi se dyfishimi i pagave për efektivët e Forcave të Armatosura në misionin e KFOR në Kosovë tregon angazhimin për të vlerësuar punën e tyre në mënyrë të drejtë.
“Angazhimi dhe përkushtimi i efektivëve tanë në 8 misione ndërkombëtare të rëndësishme për sigurimin e paqes dhe stabilitetit rajonal është thelbësor. Dyfishimi i pagave për efektivët e Forcave të Armatosura në misionin e KFOR në Kosovë tregon qartë angazhimin tonë për të vlerësuar punën e tyre në mënyrë të drejtë. Vazhdojmë të punojmë për të siguruar një rritje të përgjithshme të pagës për të gjithë personelin tonë në misione.
Shqipëria, eksportuese e paqes dhe aleate dinjitoze në NATO”, shkruan Peleshi.
j.l./ dita
