Përcaktohen tetë skuadrat çerekfinaliste të sezonit 2022-2023 të Champions League. Napoli dhe Real Madrid i bashkohen ekipve të Bayern Munich, Benfica, Chelsea, Inter, Milan dhe Manchester City në çerekfinalet e Champions League. Shorti për fazën çerekfinale në Ligën e Kampionëve do hidhet të premte në 12:00 në Nyon të Zvicrës. Pas shumë vitesh, tre skuadra nga Serie A janë në këtë fazë.
Në “Bernabeu”, Real Madrid fitoi 1-0 me Liverpoolin në ndeshjen e kthimit për 1/8 e Champions League. “Galaktikët” fituan edhe ndeshjen e parë 2-5 në Angli, duke kaluar në çerekfinale. Në përballjen e sotme, goli i vetëm i ndeshjes u shënua nga Benzema në minutën e 79-të. Në asnjë moment Real Madrid nuk e vendosi në diskutim kalimin më tej.
