Është mbyllur procesi i numërimit të votave edhe në Bashkinë e Lushnjës, ku fituese ka dalë Partia Socialiste.
Në përfundim të numërimit të 157 kutive të votimit, ka rezultuar fituese kandidatja e PS, Eriselda Sefa, e cila ka marrë 21 477 vota, përballë kandidatit të “Shtëpisë së Lirisë, Elton Bano, që ka siguruar 11 238 vota, i ndjekur nga kandidati i PD, Indrit Sefa, me 3809.
Gjthashtu, pas 30-vitesh, Partia Socialiste ka mundur që të fitojë bashkinë e Devollit, në një garë elektorale.
Me përjashtim të zgjedhjeve njëpartiake të 2019-tës, në të gjitha zgjedhjet e tjera në këtë Bashki ka qenë fituese Partia Demokratike.
Diferenca mes kandidatëve ka qenë shumë e ngushtë, ndërkohë që festa e socialistëve jashtë KZAZ-ve ka qenë e çmendur.
Eduard Duro është shpallur fitues me rreth 500 vota më shumë në raport me kundërshtarin e tij Ervis Hajdërlli.
j.l./ dita
