Shtetet e Bashkuara të Amerikës dhe Irani kanë hartuar një plan veprimi për një marrëveshje paqeje. Kështu thuhet në një deklarate të përbashkët nga ndërmjetësit e negociatave, Katari dhe Pakistani, pas raundit të parë të bisedimeve. Ndërkohë po zhvillohen edhe bisedime në nivel pune.
Qëllimi i palëve mbetet arritja e një marrëveshjeje përfundimtare brenda 60 ditëve. Grupet e punës pritet të trajtojnë, ndër të tjera, programin bërthamor të Iranit dhe sanksionet perëndimore ndaj këtij vendi.
Përveç kësaj, është krijuar një kanal komunikimi midis palëve për të shmangur keqkuptimet ose incidentet në Ngushticën e Hormuzit dhe për çështje të tjera. Pritet që ndër temat me prioritet të jenë, hapja për qarkullim e Ngushticës së Hormuzit, ku kalon rreth 20 përqind e kontigjentit botëror të karburatneve, si dhe programi bërthamor iranian dhe sanksionet perëndimore ndaj këtij vendi. Por ka dhe probleme të tjera për vendosjen e paqes, në radhë të parë respektimi i shtetit të Izraelit dhe heqja dorë nga mbështetja e elementeve radikale në rajon nga Irani.
Forum për dialog mbi Libanin
Përveç marrëveshjeve për grupe pune, do të krijohet një lloj organi për zgjidhjen e konfliktit në bashkëpunim me Libanin për t’i dhënë fund luftimeve në atë vend, thuhet në deklaratë. Në Liban, Izraeli dhe milicia pro-iraniane Hezbollah po luftojnë me njëri-tjetrin.
Të dielën, delegacionet amerikane dhe iraniane filluan bisedimet për një zgjidhje të qëndrueshme paqeje në një hotel luksoz në malin Birgenstock në Alpet zvicerane. Raundi i parë i bisedimeve përfundoi natën midis të dielës dhe të hënës. Sipas ndërmjetësit, bisedimet do të vazhdojnë gjatë gjithë kësaj jave.
Ministri i Jashtëm iranian Abbas Araghchi vlerësoi Pakistanin dhe Katarin për ndërmjetësimin e tyre. Araghchi tha në Platformën X se ishte bërë “përparim i konsiderueshëm”.
Shtetet e Bashkuara nuk kanë komentuar ende ditën e parë, por së shpejti pritet që Zëvenëspresidenti JD Vance dhe të tjerët të dalin me qëndrimet e tyre.
DW
