BE-ja duhet të përgatitet për skenarin “më të keq” për furnizimet me gaz rus. Kriza e pritshme lidhet me skadimin e marrëveshjes së tranzitit midis Moskës dhe Kievit, që pritet në fund të vitit.
Paralajmërimi vjen nga një dokument i brendshëm i Komisionit të BE-së.
Siguria e furnizimit do të kërkojë “monitorim të ngushtë” për të “garantuar dimrin 2024/2025“, shkruan Brukseli, duke theksuar gjithsesi se ka përparim në drejtim të reduktimit të varësisë nga Moska.
“Në vitin 2023, gazi rus ishte vetëm 15% e importit total të BE“, krahasuar me mbi 50% para luftës.
Ndërprerja e marrëveshjes së tranzitit mund të çojë në një humbje prej rreth 5% të kësaj pjese.
