Gjendja shëndetësore e Fatos Nanos është stabilizuar.
Ish kryeministri është rikthyer në shtëpinë e tij pasditen e sotme pas rreth 1 muaj i shtruar në një spital privat.
Nano, është shoqëruar sot për në banesën e tij me ambulancën e spitalit privat ku qëndronte që prej 24 gushtit, ditë kur u soll aty me urgjencë pasi shfaqi probleme të rënda me frymëmarrjen.
Nano vuan nga një sëmundje Pulmonare Obstruktive Kronike e njohur ndryshe si SPOK. Kjo patologji prek mushkëritë dhe karakterizohet nga një ngushtim i rrugëve respiratore me pasojë kryesore vështirësinë e furnizimit me oksigjen.
Nano që njihet si alkolist dhe duhanpirës i ekzagjeruar u mendua se nuk do tia dilte, por mjekët kanë mundur ta mbajnë këtë herë në jetë.
Në kontekstin e krijuar nga lajmet për gjendjen e tij të vështirë, Nanos iu akordua nga kryeministri Edi Rama “medalja e mirënjohjes publike”.
