Një 29-vjeçar është vënë në pranga për plagosjen me thikë të një qytetari. Ngjarja ka ndodhur në Balldre të Lezhës mbrëmjen e djeshme.
Dyshohet se për shkak të një konflikti çasti për motive të dobëta, i riu ka plagosur me thikë një 27-vjeçar. Ky i fundit ndodhet në spital jashtë rrezikut për jetën.
Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme, për veprat penale “Plagosja e rëndë me dashje” dhe “Prodhimi dhe mbajtja pa leje e armëve të ftohta”.
o.j/dita
