Një tjetër ndalim për ekstradim drejt vendit fqinj është bërë dje. Reni Djalja u kap nga policia e Kavajës, pasi ishte shpallur në kërkim për plagosje të rëndë me dashje. 25-vjeçari u arrestua nga ‘Fast Albania’, pasi ishte shpallur në kërkim ndërkombëtar, sepse Gjykata e Parmas i ka caktuar masën e sigurisë “arrest në burg”, për veprat penale “plagosja e rëndë” dhe “mbajtja pa leje e armëve të zjarrit”, të parashikuara nga Kodi Penal i Italisë. Më datë 3 mars të 2022, në Salsomaggiore Terme, në bashkëpunim me një shtetas tjetër, akuzohet se ka plagosur rëndë me armë zjarri pistoletë, shtetasin shqiptar L. V. Edhe në këtë rast, Interpol Tirana njofton se në bashkëpunim me Interpol Romën, vijon procedurat për ekstradimin drejt Italisë.
Kerko
