Një debat me tone të ashpra u zhvillua në News 24 mes gazetarit Anri Bala dhe pedagogut Shpend Gashi. Dy të ftuarit po diskutonin, teksa në një moment përdorën edhe fjalë ofenduese ndaj njëri-tjetrit.
Duke qenë se debati mes tyre agravoi, moderatorja Ola Bruko ndërhyri për të qetësuar gjakrat. Pas disa minutash përpasje të fortë verbale, situata u vendos sërish nën kontroll.
Shpend Gashi: Mos bëj zhurmuesin nëpër studio se u bëre shumë i shpifur. Po bëhesh shpifësirë.
Anri Bala: Vazhdo me retorikën se do të shikojnë nga ekrani njerëzit se kush është shpifësira. Kujdesin ma lër për herë tjetër.
Shpend Gashi: Zotëri, kujdes dhe njëherë. Je vite dritë larg asaj që pretendon se je. Mbylle tani të flas unë
Anri Bala: Je shumë vite mbrapa o shoku, e kam nisur prej shumë kohësh profesionin e gazetarit. Unë nuk shkoj si zoraxhi si ty nëpër studio.
Shpend Gashi: Po mbaron emisioni.
