Platforma e mediave sociale X, e njohur më parë si Twitter, pësoi ndërprerje globale për pak më shumë se një orë të enjten. Sipas Downdetector.com, e cila ndjek ndërprerjet duke mbledhur raportet e statusit, më shumë se 47,000 përdorues të SHBA u përballën me probleme të aksesit me X dhe X Pro.
Gjithashtu disa përdorues në Mbretërinë e Bashkuar dhe Azi, nuk ishin në gjendje të shihnin postimet në sajt me një mesazh që thoshte ‘Mirë se vini në X!’, i cili është në pronësi të Elon Musk.
Hashtag-u TwitterDown filloi trendin brenda pak minutash nga raportimet e ndërprerjeve që dolën. Por ndërprerja ishte jetëshkurtër, sepse përdoruesit ishin në gjendje të hynin përsëri në platformë pas pak më shumë se një ore.
Që kur Musk bleu platformën, ajo ka vuajtur nga një humbje e të ardhurave nga reklamat. Ai është akuzuar gjithashtu për lejimin e postimeve antisemitike pranë reklamave.
Muajin e kaluar, Elon Musk goditi reklamuesit që u larguan nga X, duke thënë se do të vrisnin platformën e medias sociale.
Kompania është akuzuar gjithashtu për përhapjen e dezinformimit me Bashkimin Evropian duke njoftuar zyrtarisht se dyshon se X ka shkelur rregullat e saj në fusha duke përfshirë kundërvënien ndaj përmbajtjes së paligjshme dhe dezinformimit.
p.c. / dita
