Parlamenti edhe këtë të enjte është përfshirë në kaos, ndërkohë që deputetët e opozitës kanë bllokuar punimet e Kuvendit.
Që në nisje të seancës, demokratët u kanë marrë karriget kolegëve të Partisë Socialiste dhe i kanë vendosur para foltores së Kuvendit.
Deputetët socialistë kanë qëndruar në këmbë, ndërsa demokratët kanë vijuar të pengojnë punimet.
Fatmir Xhafaj, një ndër veteranët e Kuvendit iu është drejtuar demokratëve, duke u kërkuar që të lirojnë karriget dhe të mos pengojnë punimet.
Ndërkohë Sali Berisha është shprehur se mazhoranca duhet t’u rikthejë të drejtat kushtetuese.
Me tej, një prej demokrateve i ka kërkuar Xhafajt që të lejohen në komisionet hetimore, por ky i fundit ka folur “nën dhëmbë”, teksa ka thënë: “Po ç’lesh komisionesh hetimore…”
Nga ana tjetër gjatë debatit në Kuvend, Bledi Çuçi ka ironizuar demokratët që ishin ulur: Edhe Gjekmarkaj duhet të çohet në këmbë, të rrimë të gjithë në këmbë.
Replikat në Kuvend:
Luan Baçi: Me pëlqen profesioni i kameramanit!
Fatmir Xhafaj: Ushtroje si profesion….
(Tenton të marre karrigen, deputetja Elda Hoti e pengon)
Elda Hoti: Jo, jo s’mund ta marrësh!
Deputeti i PD: Lejoni komisionet hetimore…
Fatmir Xhafaj: Po ç’lesh komisionesh hetimore…
Deputeti i PD: Fatmir edhe ti si shokët…
Fatmir Xhafaj: S’mund të merrni karriget, çfarë bëni kështu!
Sali Berisha: Riktheni të drejtat kushtetuese! Je dhe jurist! Rikthe të drejtat Kushtetuese të opozitës!
Luan Baçi: Antoneta do rrini të gjithë në këmbë sot.
Antoneta Dhima: Po ta kishit për hallet e qytetarëve, ua bëja hallall.
Bledi Çuçi: Të gjithë do rrimë në këmbë, edhe Gjekmarkaj duhet të çohet në këmbë.
Eduard Shalsi: Mos qeshni, s’është për të qeshur! Ju kanë dhënë porosi, zbatoni porosinë.
Antoneta Dhima: Të votojmë për rritjen e rrogave dhe pensioneve të qytetarëve.
Luan Baçi: Ti Neta rrite rrogën tende, jo të qytetarëve! Unë e votova kundër!
Antoneta Dhima: Ti ke biznese, unë një shtëpi në katin e 5-të kam.
Luan Baçi: Biznesin e kam ngritur me ndershmëri me paratë e mia.
j.l./ dita
