Ambientet e Komisionit Evropian në Bruksel janë bastisur nga policia të enjten lidhur me një hetim mbi shitjen e aseteve të pasurive të paluajtshme shtetit belg në vitin 2024.
Një zëdhënës i ekzekutivit të BE-së tha se ishte në dijeni të një hetimi në vazhdim mbi shitjen e 23 ndërtesave të komisionit.
Me një vlerë prej 900 milionë eurosh, shitja erdhi ndërsa komisioni vendosi të zvogëlonte hapësirën e zyrave me një të katërtën, me më shumë staf që punonin nga shtëpia që nga pandemia e Covid-it.
Një burim pranë hetimit i tha AFP-së se kontrollet u kryen në ambientet e komisionit herët të enjten, duke konfirmuar një raport nga Financial Times.
Zyra e Prokurorit Publik Evropian, EPPO konfirmoi se po kryente aktivitete për mbledhjen e provave në një hetim në vazhdim që përfshinte komisionin.
Komisioni tha se ishte i përkushtuar ndaj transparencës dhe llogaridhënies dhe do të bashkëpunojë plotësisht me EPPO-në dhe autoritetet kompetente belge për këtë çështje.
Pronat në fjalë u blenë nga një fond sovran belg i pasurisë, i cili planifikoi t’i rinovonte ato në mënyrë që të ishin më të qëndrueshme dhe t’i kthente në treg si biznese dhe banesa.
Brukseli dëshiron ta transformojë Lagjen Evropiane ku ndodhen shumica e institucioneve të BE-së, në mënyrë që ajo të bëhet më miqësore për njerëzit.
Për komisionin, shitja shkoi drejt qëllimit të zënies së më pak ndërtesave, të cilat janë më efikase nga ana e energjisë, pasi nevoja për hapësirë zyrash ra pas pandemisë.
j.l./ dita
