Në takimin tjetër të vlefshëm për ndeshjen e kthimit Champions dhe fazën e një të tetave, italianët e Inter arritën të ruanin rezultatin e ndeshjes së parë në Milano (1-0), duke e mbajtur Porton larg rrjetës. Megjithëse vendasit portugezë tentuan gjatë gjithë 90-të minutave të paktën ta dërgonin takimin në shtesë dhe aty të provonin goditjen fatale, nuk e arritën dot dhe takimi u mbyll në rrjeta të paprekura (0-0). Minutat e fundit prodhuan shumë nervozizëm mes skuadrave dhe për pasojë solli kartonin e kuq të mbrojtësit veteran, që në karrierë është ‘skuqur’ me dhjetëra herë, Pepe.
Në këtë mënyrë pas më shumë se një dekade, Inter shkruan një tjetër histori të kalimit në një fazë më tej, pasi kishte dështuar disa herë më parë, që nga Champions i vitit 2010, kur e fitoi me Jose Murinho në pankinë. Dhe nëse shorti e përkëdhel, do të tentojë përsëri mrekullinë, teksa bëhet skuadra e dytë italiane pas Milanit që kalon në një të tetat dhe presin Napolin që luan në mbrëmje me Frankfurt, teksa ka marrë një fitore me rëndësi 0-2 në Gjermani. Pas kaq shumë vitesh mund të bëhen 3 ekipe italiane në fazën e një të tetave.
