Projekti për Porto Romanon i ka përmbyllur të gjitha fazat e studimeve paraprake, si analizat ekonomike, përcaktimet inxhinierike, studimet mjedisore, si dhe vlerësimet sociale dhe ato arkeologjike, nisur nga vendndodhja e projektit në zonën e Durrësit.
Kryeministri Edi Rama dhe zv. kryeministrja Belinda Balluku zhvilluan sot një vizitë, për ndërtimin e Portit të ri Tregtar në Porto Romano.
Kryeministri Rama tha se projekti “është paragjykuar pasi nuk janë perceptime të bazuara në realitetin e përpjekjes së qeverisë për të patur procese transparente, për të patur procese me integritet dhe për të patur procese që në fund shpërblejnë pikërisht ato shtylla që i kanë bërë kompanitë tuaja të jenë kompani me kaq shumë zë, që janë nga njëra anë konkurrenca e lirë dhe nga ana tjetër merita mbi bazën e konkurrencë,” – deklaroi Rama.
Ndërsa ministrja Balluku tha se “Porti i Porto Romanos nuk do t’i shërbejë vetëm Shqipërisë, por në momentet që sot flasim, flasim me dy marrëveshje zyrtare të lidhura mes qeverisë shqiptare, Maqedonisë së Veriut dhe asaj të Kosovës, për ngritjen e dy porteve të thata, respektivisht në Strugë dhe në Prishtinë,” – u shpreh ministrja.
Sipas saj, ky është një projekt dhe investim strategjik për vendin dhe rajonin.
