Kryeministri Edi Rama thotë se është një ofendim për të por edhe për socialistët, që të krahasohet me Sali Berishën, që është i shpallur “non grata” nga Shtetet e Bashkuara të Amerikës.
Gjatë një deklarate për gazetarët, pas mbledhjes së Kryesisë së Partisë Socialiste, Rama u shpreh se Berisha është një “zorrë qorre” në trupin e Shqipërisë, që duhet të operohet përfundimisht.
Ai u pyet edhe për posterin qesharak të Belind Këlliçit në rrugët e Tiranës, me gishtat e mesit ngritur lart.
“Është një ofendim, përtej dëftesave të shkollës që u mungojnë, përtej gishatve të mesit që ua ngatërrojnë vendin”, tha Rama.
Pyetje: Keni një koment për posterin e Këlliçit?
Edi Rama: Është një ofendim, përtej dëftesave të shkollës që u mungojnë, përtej gishatve të mesit që ua ngatërrojnë vendin. Nuk më bëjnë përshtypje sepse këta njerëz janë vënë në dispozicion për zorrën qorre, njhë maskë për non-gratan. Për zorrën qorre që e ka bërë Shqipërinë një shqetësim. Mund të mos kesh dëftesën, punë e madhe fort. Këto jan gjëra që i kalojnë, por t’i japësh fytyrën surretërve të të shkuarës për të marrë peng të ardhmen e vendit për halle personale, kjo është e papranueshme.
j.l./ dita
