Edi Rama i është përgjigjur brenda ditës sulmit të homologut të tij grek, Micotaqis për Fredi Belerin.
Por ka zgjedhur një mënyrë ndryshe, në formë edhe në përmbajtje.
Forma përmbante një simbolikë ndryshe, që i tregon Micotaqisit se nuk mund të jetë Athina që cakton se kush është zonë minoritare greke në Shqipëri. Pasi kjo është e përcaktuar dhe është zona e Dropullit, e cila jo vetëm që është bashki më vete, ku respektohen të drejtat politike, por ka edhe investime të qeverisë.
Ndërkaq, ndryshe nga Micotaqis, që nuk resht në helmin ndaj qeverisë e Tiranës, Rama i bën të ditur se sheshi në qendër të Derviçanit, fshatit më të madh të bashkisë minoritare do të mbajë emrin e babait të kryeministrit aktual grek, Kostandin Micotaqis.
“Kantieri i Rilindjes Urbane në zemër të Derviçanit, qendrës së bashkisë së Dropullit, e cila do të mbajë emrin e Konstandinos Mitsotakis, kryeministrit të parë grek që vizitoi minoritetin pas rënies së komunizmit”, shkroi Rama.
j.l./ dita
