Partia Demokratike ka zhvilluar ditën e djeshme procesin e Primareve, ndërsa ditën e sotme ka përfunduar votimi në disa qarqe të vendit.
Në qarkun e Gjirokastrës kandidati më i votuar ka qenë Alma Buci Kore me 399 vota, e cila pasohet nga Mareklent Dervishi me 368 vota, ndërsa në vendin e tretë është Arben Ristani me 317 vota.
Kandidati më i votuar në qarkun e Kukësit është mjeku nga Hasi, Shkëlzen Ibra, i cili ka siguruar 707 vota.
Në renditje pas Ibrës vjen Shkëlqim Shehu me 430 vota.
Në qarkun e Beratit, kandidati Zija Ismaili ka siguruar 1091 vota.
Pas Ismailit, është renditur Ledion Marra me 306 vota, ndërsa Erion Dasho ka marrë 238 vota, duke u pozicionuar i treti.
Në Qarkun e Elbasanit listën me 22 kandidatë e kryeson deputeti Dashnor Sula me 550 vota dhe pedagogu Blendi Himçi me 490 vota.
Garën në qarkun e Fierit e kryeson Eduard Sharka me 795 vota, i ndjekur nga deputeti Luan Baçi me 677 vota.
Kandidati Igli Cara ka siguruar pjesën më të madhe të votave në qarkun e Durrësit, duke kryesuar listën me 622 vota.
E dyta renditet Manjola Luku me 424 vota dhe në vendin e tretë, Dritan Burgija me 263 vota.
Numërimi i votave të primareve të PD-së ka përfunduar edhe në qarkun e Lezhës, ku bëhet me dije se kandidati që ka siguruar më shumë vota ka rezultuar Gjin Gjoni me 674 vota.
Gjoni ndiqet nga ish-kreu i PD-së në Mirditë, Aleksandër Lala me 438 vota dhe deputetja Elda Hoti me 394 vota.
Procesi i numërimit të votave të anëtarëve të PD-së për primaret ka përfunduar edhe në qarkun e Dibrës, ku kandidati Ilir Krosi, ish-kryebashkiaku i Dibrës, është më i votuari me 578 vota.
Në qarkun e Korçës, kandidati më i votuar është deputeti Bledion Nallbati i cili ka siguruar 1219 vota.
Partia Demokratike përmes një njoftimi ka publikuar shifrat e pjesëmarrjes në votimet për Primaret 2025.
Në njoftimin e PD-së bëhet me dije se procesi është zhvilluar i qetë dhe pa probleme, ndërsa gjithashtu njoftohet se mbi 50 mijë anëtarë demokratë kanë marrë pjesë në votime.
Sipas kësaj force politike, kjo ka qenë pjesëmarrja më e lartë ndër të gjitha proceset zgjedhore që janë zhvilluar në Partinë Demokratike.
j.l./ dita
