531 qendra votimi sot janë jashtë funksionit pas problemeve teknike, ndërsa procesi nuk ka nisur ende.
Kreu i KQZ, Ilirjan Celibashi në një dalje për mediat ka komentuar problemet që janë shfaqur në disa qendra votimi në lidhje me pajisjen e identifikimit elektronik, ku është shprehur se është herët për të thënë se çfarë nuk shkoi vërtet në lidhje me këtë pajisje.
Celibashi ndër të tjera është shprehur se teknikët janë në terren për të bërë analizën në lidhje me faktin se çfarë çoi në problemin e pajisjeve të identifikimit në disa zona.
Sipas tij janë 4469 qendra votimi plotësisht funksionale, ndërsa në të tjera është udhëzuar që identifikimi të kryhet në mënyrë manuale.
“Janë 4469 qendra votimi plotësisht funksionale, procesi i identifikimit po bëhet përmes pajisjes elektronike janë 206 QV që sipas informacionit në kohë reale na tregojnë që këto 205 QV pajisja është e konfiguruar por nuk mund të marrim automatikisht ën kohë reale informacion prej tyre. Janë 531 qendra votimi për të cilat ne nuk kemi informacion, që do të thotë ose të gjithë këto qendra votimi PEI nuk funksionon ose funksionon pjesërisht por ne këto të dhëna nuk i kemi.
Jemi duke komunikuar me operatorët e qendrës së votimit. Procesi po zhvillohet nëpërmjet PEI- ose manualisht. Janë 531 qendra votimi ku identifikimi nuk po bëhet përmes pajisjes së identifikimit. Jemi përpjekur të korrigjojmë në kohë dhe me resurset njerëzore që kemi pasur për të ndryshuar situatën.
Kodi zgjedhor dhe aktet rregullatore kanë parashikuar situate të tilla veçanërisht kur implementohet një pajisje elektronike dhe në këto akte është parashikuar se duhet që të pritet njëfarë kohe me mundësinë që kjo situatë të rregullohet. Duke vlerësuar në lidhje me problematikat teknika të marra nga terreni bashkë me nënkomisioneren Pelinku urdhëruam që procesi i identifikimit të votuesve të bëhet me mënyrën tradicionale pasi në aspektin teknik nuk kishim asnjë mundësi më shumë që të prisnim.
Në lidhje me natyrën e problemeve është shumë herët për të thënë se cilat janë arsyet dhe një pjesë e tyre lidhen me mosparaqitjen e operatorëve në qendrat e votimit me mungesën e njohurive të disa operatorëve dhe me funksionalitetin e pajisjes së identifikimit.
Secilat janë këto probleme të karakterit funksional akoma nuk mund të dalim në përfundim janë specialistët që po bëjnë verifikimet në lidhje me problematikën kryesore”, ka thënë ai.
j.l./ dita
