Marina e jahteve është një projket modern që do të zhvillojë ekonomikisht qytetin. Kështu u shpreh gjatë një interviste televizive, kandidatja për kryetare bashkie e qytetit të Durrësit, Emirjana Sako.
Sako e cila kërkon një rikonfirmim për mandat tjetër në këtë bashki, u shpreh se shtetas të huaj, nga Zvicra, Franca, Athina janë duke prenotuar për të blerë apartamente në marinën e jahteve.
“Është projekti më i rëndësishëm në Shqipëri. Do hapë 12 mijë vende pune, por bashkia do marrë taksa edhe pasi të ndërtohet, do kemi hapësira publike, do kemi akses, sot porti është i mbyllur për publikun. E shohim si një kartëvizitë, që jep një impakt të rëndësishëm për qytetin.
Ka prenotime të apartamenteve, avantazh tjetër është që po prenotojnë të huaj, nga Zvicra, Franca, Italia. Mua personalisht më kanë në telefon mjekë nga Athina që duan të blejnë aty”, tha Sako.
m.b./dita
