Ministria e Drejtësisë do të ndërmarrë një nismë ligjore për të hequr përgjithmonë gjykimin e shkurtuar për burrat që dhunojë gratë. Lëvizja e mazhorancës vjen pas ngjarjes së rëndë të së mërkurës ku 3 gra u vranë nga i njëjti autor, i cili ishte një ish i dënuar, por i liruar disa herë për arsye që ende janë “mister”.
“Personalisht së bashku me ish kolegen time Vasilika Hysi kemi tentuar të marrim një nismë ligjore për një ndryshim në kodin e procedurës penale dhe besoj see do ta vëmë në lëvizja duhet një ndryshim në kodin e procedurës penale që personat që akuzohen për dhunë në familje nuk duhet të përfitojnë nga gjykimi i shkurtuar.
Gjykimi i shkurtuar është një benefit që ta jep ligji kur ti pranon fajësinë apo kur ti pranon që të gjykohesh me gjendjen që janë provat dhe si benefit kodi i procedurës penale, ligji jonë i jep të drejtën me uljen e masës së dënimit me 1/3.
Si kemi bërë për personat që akuzohen për vepra që kodi penal ka burgimin e përjetshëm, këtë masë procedurale do të duhet ta ndërmarrim ne si ligjvënës edhe për personat që akuzohen për dhunë në familje, nuk kanë pse ta përfitojnë këtë benefit ligjor. Ndoshta kjo mund të ishte një nga masat paraprake që ne si ligjvënës duhet të ulemi dhe ta marrim në konsideratë”, – tha Manja.
m.b./dita
