Kur ka mbetur edhe pak nga nisja e protestës së opozitës, që pritet të mbahet sot para Kryesisë së Kuvendit, policia ka nisur zbatimin e planit të masave.
Sipas autoriteteve, rreth 700 efektivë nga policia e Tiranës dhe Forcat e Sigurisë Kombëtare, do të jenë të Kryesia e Kuvendit.
Forcat policore kanë ‘zbarkuar’ para Kryesisë, ndërsa janë bërë gardh në hyrje të këtij institucioni, për t’iu paraprirë çdo përshkallëzimi të mundshëm.
Kujtojmë se protesta e opozitës është parashikuar që të nisë në orën 11:30, ndërkohë që në 12:00 do të nisë seanca e Këshillit të Mandateve, ku do të vendoset mbi fatin e imunitetit të ish-kryeministrit Sali Berisha.
Bulevardi “Dëshmorët e Kombit” gjithashtu do të monitorohet dhe nga kamerat e Policisë.
Sakaq, në një nga daljet e tij për mediat, Berisha ka pohuar se protesta nuk ka lidhje me vendimin që pritet të merret për fatin e imunitetit të tij. Pavarësisht vendimmarrjes së këshillit, ish-kryeministri është shprehur se do ta njohë vendimin e Parlamentit, cilido qoftë ai. Mbetet për t’u parë nëse ky vendim do merret vetëm me votat e 5 socialistëve.
p.k\dita
