Siç ishte paralajmëruar edhe më herët, ka nisur grumbullimi i protestuesve të opozitës në afërsi të Gjykatës së Lartë, ku do të mbahet gjyqi për vulën e PD.
Protestuesit kanë nisur grumbullimin, e po ashtu duket se kanë bllokuar rrugën. Si pasojë është krijuar trafik i rënduar në afërsi të Gjykatës. Nga ana tjetër, në këtë pikë ndodhen forca të shumta policie.
Drejtori i Policisë së Tiranës, Tonin Vocaj i ka kërkuar deputetit të Rithemelimit, Flamur Nokës që të lirojnë rrugën para Gjykatës së Lartë.
Kjo, pasi në kërkesën që është dorëzuar në Policinë e Tiranës nuk ka qenë e sanksionuar bllokimi i rrugës. Sipas burimeve të policisë, protesta do të zhvillohej në hapësirën e trotuarit, rreth parkut Rinia, pa penguar qarkullimin.
Fillimisht është tentuar komunikim me përfaqësuesit e Rithemelimit përmes zv/drejtorit të Policisë së Tiranës, Luigj Vathi, sipas protokollit zyrtar dhe më pas vetë kryepolici Tonin Vocaj.
Deri tani nuk ka dakordësi për hapjen e rrugës për të rikthyer qarkullimin.
j.l./ dita
