Protesta “kombëtare” e thirrur nga ish-kryeministri non grata në SHBA dhe Britaninë e Madhe, për korrupsion, Sali Berisha, ka përfunduar për më pak se dy orë.
Mediat ndërkombëtare Reuters, ka bërë një pasqyrim të kësaj proteste me disa foto të cilat i ka publikuar në rrjetin Instragram.
“Oficerët e policisë qëndrojnë roje ndërsa opozita shqiptare mban një protestë antiqeveritare në #Tiranë , #Shqipëri“, shkruhet në postim.
Në përgjithësi tubimi ishte i qetë, me përjashtim të disa momenteve në fund kur protestuesit hodhën bomba molotov në drejtim të godinës së kryeministrisë.
Për pasojë u lëndua lehtë një efektiv policie, ndërsa deri më tani janë shoqëruar 3 persona.
Retorika e organizatorit është kundër SHBA-ve që e kanë shpallur non grata, ndërkohë në protestë u panë flamuj të BE dhe SHBA-së.
Si përfundim, Berisha bëri të ditur se protesta e radhës do të mbahet të hënën para parlamentit.
i.b. / dita
