Sot mblidhet Kuvendi i Shqipërisë.
Në të njëjtën kohë, në orën 10:00, kryedemokrati Sali Berisha ka njoftuar një protestë përballë parlamentit. Ashtu si dy seancat e mëparshme, demokratët do protesojnë në oborrin përballë Kuvendit. Pjesë e protestës pritet të jetë edhe kryetari i Partisë së Lirisë, Ilir Meta.
Më shumë se 10 deputetë të PD-së janë përjashtuar për disa ditë nga Kuvendi, përfshirë edhe Sali Berishën. Ndërkohë që protesta vijon jashtë, brenda do shqyrtohen disa projektligje.
Kryeministri Rama nuk do jetë prezent, pasi ndodhet në një vizitë në Japoni.
Rendi i ditës:
- Ministrja e Shëndetësisë dhe Çështjeve Sociale, Ogerta Manastirliu do pyetet nga deputeti Zef Hila.
- Projektligj “Për përfundimin e procesit të privatizimit të objekteve të ish – ndërmarrjeve bujqësore”.
- Raporti vjetor i Këshillit Kombëtar për Integrimin Europian për vitin 2022.
- Projektvendim “Për një ndryshim në vendimin nr. 69/2021 “Për caktimin e anëtarësisë së komisioneve të përhershme të Kuvendit”. Projektvendim “Për zgjedhjen e një anëtari të Komisionit të Konkurrencës”.
- Projektvendim “Për zgjatjen e afatit të veprimtarisë së Komisionit të Posaçëm Parlamentar për Realizimin e Reformës zgjedhore”.
j.l./ dita
