Një provim i thjeshtë prej 15 pikësh, mund të ndihmojë në parashikimin e rrezikut të alcajmerit tek të moshuarit. Në bazë të këtij provimi, personat që marrin më pak pikë ndodhen në rrezik më të ulët për t’u prekur nga kjo sëmundje.
Studimet tregojnë se terapia me barna kundër alcajmerit është më e suksesshme kur ajo fillon ndërsa sëmundja ndodhet në fazë të hershme, por parashikimi se cili nga të moshuarit do të preket nga kjo sëmundje, përbën një sfidë për mjekët.
Një eksperiment i kohëve të fundit nga shkencëtarë pranë universitetit të Kalifornisë në San Francisko, tregon se një provim prej 15 pikash mund të ndihmojë në klasifikimin e të moshuarve me rrezik të ulët, të mesëm e të lartë, për t’u prekur nga alcajmeri. Rezultatet e studimit u botuan në revistën “Neurologji”.
Gjatë këtij studimi, mjekët ua dhanë këtë provim 3 mijë të moshuarve. Në bazë të rregullave, pjesëmarrësit që ishin më të moshuar ose që kishin probleme të lehta me kujtesën, marrin më shumë pikë. Por atyre iu dhanë pikë edhe se kishin më pak faktorë të njohur rreziku, si të qenit nënpeshë, mospirje të alkoolit dhe kohëzgjatja më shumë se 45 sekonda për të mbërthyer këmishën.
Rezultatet treguan se personat që morën 3 pikë ose më pak, ishin rreth 4 për qind në rrezik për t’u prekur nga alcajmeri brenda 6 vjetëve të ardhshëm. Ndërsa, personat që siguruan 8 pikë a më shumë, ishin në rrezik shumë të lartë, rreth 56 për qind.
Ekspertët thonë se ky provim mund t’i ndihmojë të moshuarit që të qetësohen nëse rreziku është i ulët, ose për t’i përgatitur pacientët dhe familjet e tyre kur ky rrezik është i lartë.
