Ditën e sotme u mblodh grupi parlamentar i Partisë Socialiste, nën drejtimin e Bledi Çuçit.
Mbledhja ka përfunduar dhe janë diskutuar vetëm çështjet sa i takojnë rendit të ditës në seancën plenare të ditës së enjte, lidhur me ligjin e basteve dhe Reforma Zgjedhore.
Çështje tjetër që është diskutuar është ajo e pagave të gjyqtarëve të Kushtetueses.
- Publicitet -
Gjithashtu, burimet bëjnë me dije se disa prej deputetëve kanë ngritur çështjen e kthimit me vonesë të përgjigjeve nga Kadastra për qytetarët. Ligjvënësit kanë kërkuar reflektim për këtë situatë dhe përmirësimin e shërbimit.
Socialistët nuk kanë diskutuar në mbledhje mbi letrën zyrtare që Gazment Bardhi i ka dërguar kryetares së Kuvendit Lindita Nikolla për zgjedhjen e Avokatit të ri të Popullit. Në letrën e tij, Bardhi vinte në dijeni edhe kreun e grupit parlamentar socialist Bledi Çuçi. Për zgjedhjen e Avokatit të Popullit nevojiten votat e mazhorancës dhe opozitës.
Në mbledhje, nuk ishte i pranishëm kryeministri Edi Rama, i cili ndodhet në New York.
Në këtë mbledhje nuk është marrë asnjë vendim politik për Ahmetajn, pra për përjashtimin e tij nga grupi parlamentar i Partisë Socialiste.
j.l./ dita
