PS mbyll fushatën në Pukë. Kryeministri Edi Rama nuk ka nguruar të përsërisë retorikën e tij ironizuese ndaj kundërshtarit, duke thënë se ndodhet në hall dhe nuk ka asnjë alternativë konkurruese.
Kreu i qeverisë shtoi se faktori ndërkombëtar ua ka thënë troç qytetarëve shqiptarë për të mos votuar një person që është shpallur non grata për veprimtari korruptive.
“Dhunën e bën opozita dhe jo pushteti, dhe kryetarët tanë të Bashkive i drejtohen policisë për të mbrojtur zgjedhjet nga dhuna e atyre që vijnë për të marrë pushtetin për ta shfrytëzuar në funksion të asaj faqes së zezë që është në Tiranë. Ç’a po i bëjmë ne opozitës, përveçse po e mundim.
Miqtë tanë më të mëdhenj që na besojnë dhe mbështesin, dhe na e thonë troç na e hiqni këtë surrat se nuk duam ta shohim me sy. Ne socialistët s’e kemi pasur ndonjëherë opsion, sa herë na ka dalë përpara e kemi hequr. Problemi janë demokratët sepse janë në pikë të hallit pa alternativë konkurruese.
Ata duhet ta bëjnë këtë hap që ti hapin rrugë rilindjes së asaj force. Ne do ta bëjmë opozitës. Po e mundim sa herë na del përpara. Por ama ua kam thënë që në 2013, kur dola në parlament për të preznatuar programin kërkuan dorëheqjen e qeverisë. U thashë se nëse do të vazhdoni kështu do të jeni gjatë aty ku jeni”, tha Rama.
p.k\dita
