Partia Socialiste ka shpallur fitoren edhe në Krujë e Shijak. Në Krujë, Artur Bushi ka marrë mbi 65% të votave. Për kandidatin e opozitës, Agron Loka, kanë shkuar rreth 35% të votave.
“Ne kemi marrë një rezultat historik në Krujë. Kjo falë besoj punës së bërë në dy mandatet e fundit. Kemi kaluar shumë sfida, kemi bërë shumë investime. Kemi bërë një punë të jashtëzakonshme sa i përket rindërtimit”, tha Bushi, i cili në këtë mënyrë merr mandatin e tretë në krye të Bashkisë së Krujës.
Edhe në Shijak, Elton Arbana ka fituar thellë. Ai ka marrë 66% të votave nga rreth 34% që ka marrë kundërshtari i tij Rezeart Tusha.
“Ku ka më mirë që falenderimi për qytetarët e mi të vijë nga shtëpia më e madhe politike, Partia Socialiste dhe është hera e parë dhe rasti i parë që Bashkia e Shijakut ka një rezultat të tillë 70 me 30. Shijakasit kanë zgjedhur vazhdimësinë”, tha Arbana.
m.b/dita
