Pavarësisht poltikave të taksave, puna dhe ekonomia informale kanë zgjeruar terren në Shqipëri.
Mesa duket as implikimi i gjobave të majme nuk po frenon informalitetin dhe paligjshmërinë në tregun e punës dhe biznesit por shifrat tregojnë që ka një trend rritës.
Për ta konkretizuar, i referohemi të dhënave në bazë të inspektimeve të kryera nga Inspektorati Shtetëror i Punës nga ku ka rezultuar se gjatë vitit 2022 janë kryer në total rreth 10154 inspektime.
Ndërsa inspektorët kanë evidentuar në terren mbi 227 mijë punëmarrës, nga të cilët janë 1799 që punojnë në mënyrë informale vetëm në vitin 2022
Krahasuar me raportin e vitit 2021, vlen të theksohet se vihet re një rritje e dukshme e punëmarrësve informal të konstatuar gjatë procesit të inspektimit me 39.2%.
Në vitin 2021, nga inspektimet të Inspektoratit Shtetëror të Punës, nga mbi 18 mijë punëmarrës të evidentuar kanë rezultuar se 1092 operojnë në mënyrë informale në tregun e punës.
Në vendin tonë nuk është bërë ende kulturë denoncimi i paligjshmërive në punë.
Një i punësuar në informalitet, pavarësisht faktit se nuk i sigurohet vendi i punës por përjashtohen nga mbrojtja dhe përfitimi social.
Një ekonomi gri në shumë raste ka qenë shkaku i ‘vdekjeve të heshtura’ në aksidentet në punë.
Ndonëse kryeministri Edi Rama herë pas here ka bërë thirrje për të denoncuar por nuk ka rezultuar e suksesshme pasi është vënë re një mungesë besimi ndaj punonjësve të cilët janë të detyruar të punojnë në informalitet/ SCAN
