Kryeministri Edi Rama është shprehur se pa Partinë Socialiste, nuk do të ndodhte kurrë që të arrestuar kurrë personat në pushtet.
“Kjo ditë, dita e arrestimeve, e gjykimeve, e hetimeve, të personave në pushtet, politike, qofshin ministra, kryetarë bashkish, qofshin ish, nuk do të vinte kurrë pa PS. Nuk do të vinte kurrë sepse do të kishte ardhur që nga 1912. Unë dhe PS të gjithë sa bashku bëmë reformën në drejtësi. Pyetja është pse? Si ka mundësi që nga 1912 deri kur u krijua Reforma në Drejtësi, nuk u bë një hetim? Nuk u çua një person politik para një gjykatësi të pavarur. Sepse kështu pushkatime, varje në litar, ka pasur plot. Po flas për prokurorë dhe gjykatës të pavarur. Si shpjegohet kjo? Kjo shpjegohet se unë dhe skuadra ime vendosëm t’i dorëzojmë drejtësisë shpatën e ndëshkimit që ka qenë në duart e pushtetit politik që e ka përdorur duke bërë edhe “drejtësi”.
Reformën në Drejtësi e bëra unë, ata që e shkruajtën, ata që e votuan me vullnet të plotë, jo ata që u morën zvarrë për ta votuar. Se, Altin Dumani, për të cilin kam shumë respekt dhe ia kam shprehur shumë solidaritetin, ka qenë aty prokuror. Edhe ata të tjerë që janë sot në SPAK aty kanë qenë, por nuk kanë patur fuqinë që kanë sot, sepse shpatën e ndëshkimit, e mbante kush ishte në këtë zyrë, e mbante pushteti ekzekutiv”, tha Rama.
j.l./ dita
