Kryeministri Edi Rama ironizoi drejtuesit politik të Partisë Demokratike, duke thënë se ata janë humbësa kronike dhe njëri më i rraskapitur se tjetri.
Në fjalën e tij në Asamble, Rama e krahasoi PS me Partizanin në basketboll, kur ishte në kulmin e suksesit.
“Kur të nxjerrin përballë një ekip drejtues për zgjedhjet ardhshme si ai që doli para pak ditësh. Njësoj si mua dhe juve për një moment u iku gjysma e dëshirës për betejë. Fund e krye me humbësa kronikë. Njëri me i rraskapitur se tjetri.
Pastaj thonë nuk fitohet kundër diktaturës së Ramës dhe qeverisë. Në fakt kjo diktatura jonë është si ajo diktatura e Partizanit në basketboll, që kur hyje në nxemje e shihje që të dukeshin më të dobët, por kur fillonte loja ta bënin fushën të dukej sikur ishte më e vogël për ty dhe më e madhe për ata”,. u shpreh kryeministri.
Rama deklaroi se PS në zgjedhjet e ardhshme do të përfaqësohet nga një gjeneratë e re, duke theksuar se “asnjë forcë e vjetër apo e re nuk e ka të krahasueshme mundësinë e vet me fuqinë e PS për të qenë partia më e vjetër dhe më e re e Shqipërisë pluraliste”.
Rama: Fitorja nuk i takon vetëm, atij që e do, por atij që e do aq shumë sa është gati të bëjë gjithçka për ta marrë. Ne kemi fituar si askush tjetër dhe si asnjë parti tjetër shqiptare sepse nuk na ka mjaftuar PS pas një fitore, por jemi bërë gati të bëjmë PS që na duhet për fitoren e radhës.
Eksperienca jonë është e madhe, por më të madhe sesa kemi eksperiencën kemi nevojë për forcën për ta ndryshuar më shumë se asnjëherë më parë skuadrën që do bëjmë gati për fitoren e mandatit të 4.
Ka ardhur kohë që një brez i ri të këtë më shumë vend në përfaqësimin e PS në 4 vitet e ardhshme.
Dekadën tjetër Shqipëria do përballet me të tjera sfida si vend anëtar i PS. Asnjë forcë e vjetër apo e re nuk e ka të krahasueshme mundësinë e vet me fuqinë e PS për të qenë partia më e vjetër dhe më e re e Shqipërisë pluraliste.
i.b./dita
