Kryeministri Edi Rama, u ka kërkuar kryebashkiakë, përfshi dhe kreun e bashkisë së Shkodrës, Bardh Spahija, që të përcaktojnë se ku do të jenë vendet qe do të mbjellin pemë për fushatën.
Fushata për mbjelljen e pemëve është deklaruar nga PS, e cila është shprehur se nuk do të harxhojë para për mitingje apo aktivitete të tjera, por një pjesë të këtyre parave do t’i çojnë për gjelbërimin e qyteteve.
“Duke filluar nga data 11 prill, PS dëshiron të zhvillojë përveçse aktiviteteve të tjera edhe mbjellje pemësh në territorin e bashkisë suaj. Për sa më lartë, ju lutem të na vini në dispozicion një kontakt pune, që të informohemi për pikat e mundshme të mbjelljeve, si dhe të sigurohemi për përgatitjet e nevojshme të truallit për t’u mbjellë”, thuhet në shkresën e PS drejtuar krerëve të bashkive të vendit.
m.b./dita
