Kryeministri Edi Rama do të nisë nesër turin e falënderimeve nga kryeqendra e Veriut, Shkodra. Turi i falenderimeve vjen vetëm pak ditë pas fitores në zgjedhjet lokale të 14 majit. Takimin e parë do e ketë në Shkodër, bashki të cilën PS e fitoi për herë të parë në zgjedhjet e së dielës.
Nesër në mesditë kryeministri do të ketë inspektime në Shkodër, ndërsa rreth pasdites do të ketë edhe takimin e falënderimit. PS fitoi zgjedhjet në 53 bashki në zgjedhjet vendore të 14 majit, përfshi edhe bastione të përhershme të të djathtës si Shkodra. Bashkë fitojmë mori 7 bashki dhe 1 bashki shkoi për partinë MEGA.
m.b/dita
