Kryeministri Edi Rama thotë se Shqipëria po përfaqësohet denjësisht në panairin e turizmit në Berlin të Gjermanisë.
Përmes një postimi në rrjetet sociale, Rama u shpreh se vendi ynë përfaqësohet jo thjesht me natyrën e bukur, por me një ofertë serioze turistike.
“Shqipëria në ITB Berlin, Panairi më i madh i Turizmit në botë, ku më në fund përfaqësohemi denjësisht jo thjesht me natyrën e bukur po me një ofertë serioze turistike, falë punës këmbëngulëse vit pas viti, ndryshimit të imazhit të zymtë të Shqipërisë së deri disa viteve më parë, investimeve publike e private, si edhe një armatë dinamike operatorësh turistikë.
Pason në prill Forumi Ndërkombëtar i Turizmit në Tiranë, një bashkëpunim i ministrisë sonë të Turizmit e Mjedisit me Organizatën Botërore të Turizmit, për të cilin biseduam në Berlin edhe me Sekretarin e Përgjithshëm #UNWTO Zurab Pololikashvili”, shkroi Rama në Facebook.
j.l./ dita
