Kryeministri Edi Rama ka komentuar vendimin e Gjykatës së Strasburgut për vrasjen e Aleks Nikës gjatë protestës së Partisë Socialiste në 21 Janar të 2011-ës, duke konkluduar se vrajsa u krye nga shteti dhe nuk u zbardh nga drejtësia në Shqipëri.
Si ka mundësi që pushkët e shtetit vranë qytetarë të këtij shteti. Si pasojë e hapjes së këtij zjarri të komanduar nga maja e zinxhirit, ky vend nuk pa asnjë lloj drejtësie.
Ky vendim i GJDNj është mishërimi më konkret i shprehjes drejtësia mund të vonojë, por drejtësia nuk harron. 21 Janari është një nga ato krime të cilat mund të ndodhë që vonesa e drejtësisë të jetë më e gjatë se drejtësia e vonuar, por është një nga ato krime që kurrën e kurrës nuk mbetet pa ndëshkuar.
Është një krim shtetëror, një krim me urdhër të drejtpërdrejtë qeverie, dhe të paligjshëm. Ky vendim është një tjetër kulm në një rrugë të re që sapo është hapur për drejtësinë në Shqipëri”, u shpreh Rama.
a.c./dita
