Kryeministri Edi Rama ka pritur në Shqipëri rabinin Yosiyahu Yosef Pinto, me të cilin ka vizituar qytetin e Vlorës.
Rama ka ndarë disa pamje nga pritja në rrjetet sociale teksa shkruan se pati privilegjin të mikëpresë për herë të dytë Rabinin Yosiyahu Yosef Pinto në Shqipëri, një vend model i vëllazërisë fetare, ku hebrenjtë u morën në mbrojtje si askund tjetër gjatë Luftës së Dytë Botërore.
Ai shton se vizitoi me të Vlorën qytetin ku hebrenjtë u vendosën shekuj më parë dhe ku, në zonën që dikur ishte lagjja e tyre. Rama thotë se aty së shpejti do të fillojmë ndërtimin e një Muzeu Hebraik.
“I nderuar dhe me përulësi pata privilegjin të mikëpres për herë të dytë Rabinin Yosiyahu Yosef Pinto në Shqipëri — një vend model i vëllazërisë fetare, ku hebrenjtë u morën në mbrojtje si askund tjetër gjatë Luftës së Dytë Botërore. Ishte një privilegj të vizitoja me të Vlorën, qytetin ku hebrenjtë u vendosën shekuj më parë dhe ku, në zonën që dikur ishte lagjja e tyre, së shpejti do të fillojmë ndërtimin e një Muzeu të bukur Hebraik”, shkruan Rama.
Yoshiyahu Yosef Pinto është një rabin ortodoks izraelito-maroken që drejton një organizatë globale të quajtur Mosdot Shuva Israel, me qendër në Ashdod dhe New York City.
Revista e biznesit Globes e emëroi atë në vitin 2012 si një nga dhjetë rabinët më të pasur në Izrael.
So honored and humbled to have the privilege of hosting Rabbi Yosiyahu Yosef Pinto in Albania for the second time — a role model country of religious fraternity, where Jews were protected like nowhere else during WWII. It was a privilege to visit Vlora with him, the city where… pic.twitter.com/yMAW9QB9RW
— Edi Rama (@ediramaal) January 6, 2025
j.l./ dita
