Kryeministri Edi Rama ka publikuar në rrjetet sociale ftesën për takimin e radhës me diasporën.
Pas takimit të së shtunës në New York, Rama do të zhvillojë takim me shqiptarët në Selanik të dielën e 3 nëntorit.
“Krenar për shqiptarët e Greqisë. Krenar për Shqipërinë”, shkruhet në postim.
Bëhet me dije se takimi do të zhvillohet në orën 11:00, te Porto Palace Hotel.
Më pas Rama ka planifikuar edhe një takim me shqiptarët në Londër, 24 nëntor, në kuadër të turit “Krenar për Shqipërinë”.
Të shtunën kryeministri Edi Rama ka zhvilluar një vizitë në New York, teksa është pritur me daulle, por edhe me protesta. Ai ishte i shoqëruar nga bashkëshortja, Linda Rama. Rama i kërkoi shqiptarëve që jetojnë në Amerikë votën, për ta bërë Shqipërinë 2030 pjesë të BE-së, sipas tij.
j.l./ dita
