Edhe pse e pati Lazaratin kryefjalë të vitit të dytë qeverisës, kryeministri Rama ka shkelur për herë të parë aty si i tillë, ndërsa si politikan për herë të dytë. Më parë kishte qenë në vitin 2006. Prej ardhjes në pushtet, nuk ka shkelur asnjëherë, sidomos pas fushatës antikanabis në vitin 2014 dhe tensioneve me banorët të Policisë. Dje ishte hera e dytë.
Kështu, në kuadër të një turi falenderues për rezultatin e 14 majit, jo se Lazarati ndryshoi kahje vote por për faktin se aty është hapur një front pune, kreu i mazhorancës shkoi aty pikërisht për këtë gjë.
Fjala është për një qendër të re të grumbullimit dhe përpunimit të bimëve medicinale, nisur nga puna pak ditë më parë, nën drejtimin e Bashkisë, me përfshirjen e disa profesionistëve të rinj të zonës, si edhe krijimin e Shoqatës së Bashkuar Bujqësore, e cila aktualisht numëron 30 fermerë.
E gjitha kjo, siç shpjegoi ministrja Kumbaro, një një ish-ndërtesë shkolle të rrënuar dhe të një terreni publik pa asnjë funksion për banorët.
