Kryeministri i vendit, Edi Rama nga Tepelena e ka quajtur kryedemokratin Sali Berisha dhe kreun e Partisë së Lirisë, Ilir Metën, “çifti i Salikes non grata”, për të cilët thotë se nuk kanë asgjë për të dhënë për shqiptarët.
Gjatë fjalës së tij, kreu i Partisë Socialiste, Rama thotë se të votosh për ata që ai i quan “Salike non grata” do të thotë t’i vendosësh një damkë flamurit shqiptar, me të cilin ky simbol nuk ka asnjë lidhje.
Edi Rama: Çifti i “Salikes non grata” nuk kanë asgjë më për t’i dhënë shqiptarët. Ata kanë për t’i dhënë llogari shqiptarëve. Mos kini asnjë dyshim se drejtësia vonon, por çdo ditë e më shumë ka më pak shanse që të harrojë. Mos harroni që sot ky flamur më shumë se kurrë ndonjëherë më parë është parë në sytë e botës. Shqipëria ulet në çdo tryezë me aleatë, me partnerë, me shtete të tjera dhe respektohet si e barabartë mes të barabartëve. Ne i kemi bërë vend vetes dhe sepse ata aleatë dhe ata partnere e besojnë dhe e mbështesin Shqiptarinë më shumë se asnjëherë tjetër. Si është e mundur që ky flamur të harrohet? Të shkosh të votosh për “Saliken non gratën” do të thotë të votosh për një damkë me të cilin ky flamur nuk ka asnjë lidhje. Të votosh për individë që janë të padëshiruar. Zgjedhjet në Shqipëri janë një mundësi për të dhënë oksigjen për interesat e Shqipërisë dhe shqiptarëve. Më 14 Maj kush është prind do të dalë të votojë se kë do të marrë në punë bashkë me të tjerët, që shkolla, kopshti e çerdhja bashkë me fëmijët e tij të jenë dinjitoze
o.j/dita
