Pas vizitës zyrtare në Itali, kryeministri Edi Rama ka vijuar sot axhendën e tij në Spanjë. Ai do të marrë pjesë në samitin e katërt “Në Mbrojtje të Demokracisë” me ftesë të homologut të tij Pedro Sanchez.
Diskutimet në Barcelonë do të fokusohen te multilateralizmi dhe rregullimi i mjedisit dixhital kundër dezinformimit. Gjatë këtij aktiviteti, Rama do të zhvillojë takime të veçanta me kryeministrin Sanchez dhe Presidentin e Këshillit Evropian, António Costa.
Një ditë më parë, kreu i qeverisë u takua në Romë me kryeministren Giorgia Meloni për të diskutuar mbi partneritetin në emigracion dhe mbrojtje. Ky bashkëpunim pason 16 marrëveshjet e nënshkruara gjashtë muaj më parë në fusha si shëndetësia, siguria dhe infrastruktura.
j.l./ dita
