Shqipëria ka marrë 25 milionë dollarë grante nga Administrata Biden pas sulmeve kibernetike të lidhur me hakerat iranianë.
Revista e njohur amerikane e teknologjisë “Wired” ka cituar në kushtet e anonimatit një zyrtar të lartë të Shtëpisë së Bardhë, i cili iu tha gazetarëve se qeveria amerikane i ka dërguar Shqipërisë gjatë muajit shkurt të këtij viti, 25 milionë dollarë për të përballuar pasojat e sulmeve shkatërruese ndaj platformave qeveritare.
Sipas revistës “Wired”, qeveria amerikanë po planifikon t’i dërgojë Kosta Rikës një ndihmë të ngjashme në vlerën 25 milionë dollarë për të forcuar infrastrukturën e saj dixhitale pas sulmeve kibernetike.
Zyrtari amerikan shton se administrata Biden ka zgjedhur ata që do të përfitojnë nga financimi për të forcuar sigurinë kibernetike bazuar edhe në impaktin e sulmeve që ndodhën.
Sulmi kibernetik i Iranit ndaj Shqipërisë, thotë zyrtari i Shtëpisë së Bardhë meritoi vëmendje të veçantë pasi ishte sulm ndaj një vendi anëtar të NATO-s.
Gjatë një konference për sfidat e sigurisë kibernetike të organizuar në Tiranë, më 7 shkurt 2023, ambasadorja amerikane Yuri Kim deklaroi se SHBA po zbaton një nga përpjekjet më të mëdha të ndihmës kibernetike që arrin në 50 milionë dollarë në mbështetje të Shqipërisë dhe ky është vetëm fillimi.
j.l./ dita
