Rezultatet e dobëta i kanë kushtuar shtrenjtë teknikut të shkodranëve. Mirel Josa nuk është më trajner i Vllaznisë. Klubi ka njoftuar se ka ndërprerë bashkëpunimin me teknikun. Rezultatet e fundit kanë bërë që të vijë divorci. Tekniku 59-vjeçar numëron 37 ndeshje në krye të këtij ekipi, teksa skuadra ka marrë 1.54 pikë për ndeshje në këtë periudhë.
Vllaznia kërkon që të futet edhe një herë në rrugën e titullit kampion, teksa aktualisht e sheh veten në vendin e pestë me 37 pikë. “Klubi i Futbollit Vllaznia njofton se ka ndërprerë me mirëkuptim bashkëpunimin me trajnerin Mirel Josa. Falenderojmë trajnerin Josa për kontributin e dhënë në drejtimin e ekipit duke i uruar suksese në angazhimet e ardhshme! Ekipi do vijojë punën nën drejtimin e trajnereve Auron Miloti dhe Vioresin Sinani”, shkruan klubi.
