Cristiano Ronaldo u pa duke debatuar me lojtarët kundërshtarë pasi Al-Nassr barazoi 0-0 ndaj Al Feiha të dielën. Ekipi i portugezit tanimë është i dyti në garën për titull në Ligën Saudite pasi humbi pikë ndaj Al Feiha-s, me rivalët e tyre për titull, Al-Ittihad që siguruan një fitore 2-1 kundër Al-Wehda për të shkuar tre pikë para në krye të renditjes. Në fundin e ndeshjes Ronaldo u pa i tërbuar, me sulmuesin që bëri gjeste dhe debate me disa lojtarë kundërshtarë, duke lënë të kuptohej se kundërshtarët që janë në vendin e 11-të në tabelë, kishin humbur kohë gjatë ndeshjes. Veç saj, Ronaldo dëgjohet t’i thotë kundërshtarit, Ali Al Zaqaan që ta mbyllë gojën. “Mbylle gojën, keni vonuar lojën”, thotë Ronaldo.
Kerko
