Zbardhet vendimi i Gjykatës së Apelit me Juridiksion të Përgjithshëm, që ktheu për rigjykim në Shkallë të Parë çështjen për vulën e P artisë Demoktatike. Shkalla e dytë gjyqësore si argument të parë rëndin cënimin e parimit të “paanshmërisë”, për një process të rregullt ligjorë.
Togat e zeza argumentojnë se Shkalla e Parë ka gabuar që nuk pranoi kërkesën për dorëheqje të gjyqtarit Agron Zhukri. Ai kërkoi që të mos shqyrtonte kërkesën për regjistrimin e ndryshimeve statutore të miratuara në kuvendin e 11 Dhjetorit të 2021, të thirrur nga Sali Berisha.
Në vendimin e arsyetuar thuhet se gjyqtari Zhukri kishte hequr dorë edhe me herë nga çështje të tjera, ku ishte i përfshirë emri i ish-Kryeministri Berisha. Një çështje e ngjashme ishte një padi për dëmshpërblim e bërë nga Edi Rama kundër Sali Berishës.
Kryetari i Gjykatës së Rrethit Gjyqësor Tiranë nuk i ka marrë parasysh argumentet e dorëheqjes së Agron Zhukrit. Ai ka vlersuar se nuk përmbushen kushtet ligjore që gjyqtari të heq dorë nga shqyrtimi i çështjes.
Apeli bën me dije se dorëheqja e Lulzim Bashkës nga posti i kryetari të Partisë Demokratike të Shqipërisë nuk u vërtetua, ndryshe nga sa është pretenduar nga palët në proces. Në gjykatë nuk është dorëzuar asnjë kërkesë e tillë për dorëheqje nga detyra të bërë nga Basha, thuhet në vendim.
Sipas Apelit, Agron Zhukri përpara se të merrte vendimin për regjistrimin e ndryshimeve statutore duhet që të kishtë thirrur në proces edhe Lulzim Bashën si kryetar i PD-së.
Ndryshimet statutore të miratuara nga kuvendi i 11 Dhjetorit të thirrur nga Berisha, nuk duhet të ishin regjistruar përpara vendimeve të marra nga kuvendi i PD-së, që u mbajt më 17 Korrik 2021.
o.j/dita
