Ministrja e Ekonomisë dhe Financave foli sot gjatë një konferencë për mediat, sa i takon premtimit për rritjen e pagave nga qeveria.
Ibrahimaj tha se rritja do jetë e shtrirë në dy vite dhe nuk do ndikojë në qendrueshmërinë fiskale.
“Ne kemi bërë të ditur që po ndërmarrim një reformë madhore për rritje pagash në sektorin pubilik. Do jetë një reformë e shpërndarë në dy vite, jo rritje në një vit. Sa i takon qendrueshmërisë së financave publike e përballueshmërisë, Ministria e Financave ka marrë angazhim që në këtë fazë të zhvillimit të aktivitetit ekonomik në vend do vijojë me konsolidimin fiskal.
Hapësirat për të përballuar reformën e pagave që është mëse e nevojshme nuk do ndikojnë, rregullat kryesore të qendrueshmërisë fiskale që lidhen me borxhin, ku niveli i borxhit publik duhet të jetë më i ulët se një vit më parë apo me ngadalësimin e nivelit të deficitit. Pra e gjithë reforma do përballohet brenda të gjithë parametrave të qendrueshmërisë fiskale”, tha ajo.
“Profesionistëve të lirë kemi bërë parashikim në ligj që do i referohemi bazave ligjore në fuqi që rregullojnë profesionet e lira dhe ato të rregulluara. Lista e profesioneve do bazohet në ligjet ekzisutese e do dalë me VKM. Dua të theksoj që kur morrëm nismën për tatimin mbi fitimin zero për biznesin e vogël u ndërmorr për të mbështetur bizneset e vogla.
Ne po i fusim profesionet e lira në taksim pasi gjykojmë se më shumë se sa një heqje e një incentive është amsë anti shmangie dhe përforcon zbatimin e ligjit fisdkal e reduktimin e hapësirave për të kryer evazion. Me përfshirjen e profesioneve të lira në skemën e taksimit, ato do vijojnë të kenë një barrë taksimi më të ulët se sa pagamarrësit. Në të gjitha rastet iniciativa e lirë dhe risku që bizneset marrin për të hapur një biznes vlerësohet duke paguar taksa më të ulëta”, vijoi ministrja.
Ndërkaq ajo foli edhe për pensionet.
“Ne do vijojmë me indeksimin e pensioneve në muajin tetor të këtë viti e do i indeksojmë me mesataren 12 mujore”, tha Ibrahimaj.
j.l./ dita
