Kryeministri Edi Rama ka ndarë disa pamje në rrjete sociale nga ndërtimi i rrjetit të ri të kanalizimeve dhe impiantit të ujërave të ndotura në Burrel. Kreu i qeverisë shprehet se ky është një investim i rëndësishëm që zgjidh në problem të vjetër mjedisor, nga i cili do përfitojnë shumë banorë të Matit.
“Vijon puna për ndërtimin e rrjetit të ri të kanalizimeve dhe impiantit të ujërave të ndotura në Burrel, një investim i rëndësishëm që zgjidh një gangrenë të vjetër mjedisore, nga i cili përfitojnë të gjithë banorët e Matit, por edhe turistët që zgjedhin të frekuentojnë këtë zonë të bukur të veriut”, shkruan kryeministri.
Dy ditë më parë, zëvendës kryeministrja, njëherësh Minisër i Infrastrukturës dhe Energjisë, Belinda Balluku inspektoi nga afër punimet. Ky projekt parashikon shtrimin e rreth 24 kilometrave linjë të kanalizimeve, 300 puseta për disiplinimin e ujërave të ndotura dhe shtrimin e rrjeteve sekondare dhe terciale.
j.l./ dita
