Ndërsa orët kalojnë dhe numëruesit e Berishës në Rrogozhinë vijojnë mbajnë bllokuar procesin, kryebashkiaku i Tiranës, drejtues politik i PS për qarkun, i ka bërë thirrje Berishës, të mos e mbaj më peng qytetin.
“Dhe pse drejtues politik i PS per qarkun Tirane, kam qendruar larg terrenit e qendrave te votimit sot ne Rrogozhine per te evituar cdo keqkuptim e respektuar heshtjen zgjedhore!
Por tani qe ka 4 ore qe kutite presin te numerohen, Saliu dhe salinjte lokale duhet te sillen si te rritur, e te perballen me verdiktin e popullit te cilin e ftuan gjithe diten te shprehet kunder te majtes, kunder zhvillimit e kunder perendimit” – shkruan Veliaj në një postim në Twitter dhe vijon:
“Shoku Sali – me mire nje fund i tmerrshem, se nje tmerr pafund! Sill numeruesit e vazhdo mbaj peng te tute, por jo nje qytet te tere si nje humbes idhnak toksik…”
Qytetarët e Rrogozhinës iu drejtuan sot sërish qendrave të votimit për të zgjedhur kreun e bashkisë së tyre, pasi zgjedhjet e 14 majit u shpallën të pavlefshme në këtë bashki.
Dy kandidatët, Edison Memolla i Partisë Socialiste dhe Shkëlqim Hoxha i koalicionit opozitar “Bashkë Fitojmë”, u gjenden edhe një herë përballë vullnetit të qytetarëve.
Në orën 19:00 u mbyllën të gjitha qendrat e votimit, për të vijuar me procesin e numërimit.
Në orët e para të mëngjesit, pjesëmarrja ka qenë mjaft e ulët, por në fund të ditës votuan 35% të qytetarëve, më shumë sesa në 14 maj.
n.s. / dita
