Ministria e Jashtme e Rusisë kërkoi një sqarim të menjëhershëm lidhur me situatën në Venezuelë, pas njoftimit të SHBA-së se presidenti Nicolás Maduro dhe bashkëshortja e tij janë kapur dhe larguar nga vendi.
“Ne jemi jashtëzakonisht të shqetësuar nga raportet se presidenti Maduro dhe bashkëshortja e tij u larguan me forcë nga vendi gjatë veprimeve agresive të SHBA-së,” thuhet në deklaratën e ministrisë.
Rusia thekson se një situatë e tillë, nëse është e vërtetë, përbën një shkelje të papranueshme të sovranitetit të një shteti të pavarur, respektimi i të cilit është një parim kyç i së drejtës ndërkombëtare.
Ministria gjithashtu dënoi më parë atë që e quajti një “akt të armatosur agresioni ndaj Venezuelës” nga SHBA, duke konsideruar se çdo “justifikim” i dhënë për të arsyetuar veprimet është i papranueshëm.
j.l./ dita
