Kryeministri i Shqipërisë Edi Rama feston ditën e sotme ditëlindjen. Ai mbush 59 vjeç. Rama lindi më 4 korrik 1964 në Tiranë.
Ai mban mbi shpatulla një karrierë të gjatë si në politikë, në botën e mësimdhënies, dhe në atë të sportit.
Rama është kryetar i Partisë Socialiste të Shqipërisë që nga viti 2005 dhe Kryeministër i Shqipërisë që prej vitit 2013.
Para zgjedhjes së tij si kryeministër, Rama mbajti një numër postesh qeveritare. Ai më parë ka shërbyer si Ministër i Kulturës, Rinisë dhe Sporteve nga 1998 në 2000. Më pas ai u bë kryebashkiak i Tiranës për të paktën tre mandate nga viti 2000 deri në vitin 2011.
Pas diplomimit nga Akademia e Arteve në vitin 1982, punoi pedagog po në Akademi. Nga 1993 kaloi katër vjet në Francë. Më pas, u kthye në Shqipëri në vitin 1998, dhe zyrtarisht filloi karrierën e tij politike.
Ditëlindja e Ramës përkon me Ditën e Pavarësisë së SHBA-ve, që festojnë 247-vjetorin e nënshkrimit të Deklaratës së Pavarësisë.
Lidhur me këtë ngjarje, mëngjesin e sotëm kreu i qeverisë uroi 247-vjetorin e shpalljes së Pavarësisë së Shteteve të Bashkuara të Amerikës me një foto krah ish-presidentit Bill Clinton.
j.l./ dita
